Nalunaarsuutit tunngaviusut atornissaannullu piareersarneri

Suliffeqarfinni naatsorsuutit tassaapput piginneqatigiiffinni, aktianik piginne­qatigiiffinni, aallarnisaasutut ingerlatseqatigiiffiit aammalu suliffinnilu tunisi­sartut pisisartulluunniit peqatigiillutik piginneqatigiiffiini aningaasaqarnikkut pissutsit kisitsisitigut paasissutissaat. Suliffeqarfiit allat, assersuutigalugu suliffeqarfiit inummit ataatsimit pigineqartut, aningaasaateqarfiit assigisaallu, ilanngunneqanngillat.

 

Kisitsisitigut paasissutissani misissukkat amerlassusaat Centrale Virksomheds-Register, CVR-imiit aammalu Akileraartarnermut Aqutsisoqarfiup suliffeqar­finnut allattuiffianit aaneqarput, tassani suliffeqarfiit nalunaarsukkat tamarmik immikkut inuussutissarsiuserneqartarput, suliffeqarfiup tunngaviu­sumik ingerlanera tunngavigalugu. Inuussutissarsiutit immikkoortiterneri kisitsisitigut paasissutissani suliffiit immikkoortiternerinit allaanerulaarpoq, taamaalilluni DB07 naleqqatigilluinnarunnaarlugu. Toqqarnerusunik taaguu­sersuerusulerneq peqquteqarpoq, suliffeqarfiit annerusut amerlanerit – pi­ngaartumik aalisarnermut attaveqartut, taamatullu toqqaannartumik toq­qaannanngitsumilluunniit aalisartunik sulisoqartut – DB07-mi inuussutissar­siutinik allatut taaguusikkanik nalunaarsorsimasarnerat. Tamassuma kingu­neraa, aalisarnerup iluani sulineq annikinaarlugu nalilersorneqarsimasoq, inuussutissarsiutinilu allani sulineq – pingaartumik nioqquteqarnermi ator­tussiornermilu – pissuseqataanik annaakkamik nalilersorneqarsimasoq. Toq-qarnerusunik taaguusiineq ima ingerlanneqarpoq, suliffeqarfiit inuus­sutissarsiutinut qaninnerusaannut aggornilersorlugit, assersuutitut imaalil­lugit, inuussutissarsiummi Aalisarneq aalisakkanik tunisassiorneq niuernerlu aalisartut aammalu aalisakkeriveqarfinni tunitsivinni taamatullu toqoraavinni il.il. sulisut ilanngullugit. Taamatullu Aatitassiorneq inuussutissarsiorfinni sulineq piiaaffimmi sulisut saniatigut atortussiornermik suliaqarnerup iluani inunnik allanik sulisoqarmat soorlu ujarassiornermik misissuinermi.

 

2020-mi suliffeqarfinnut naatsorsuutini piffissami 1. maaji 2020-mit 30. apriili 2021-mut naatsorsuutit naammassineqarsimasut ilanngunneqarput. Suliffeqarfiit naatsorsuutaat Det Centrale Virksomhedsregister-imit (CVR) aammalu Akileraartarnermut Aqutsisoqarfimmit aaneqarput. Ilaatigooriarluni aningaasat kaaviiaartitat nioqqutissanillu atuinerit pillugit paasissutissanik aallertoqarsinnaasimanngilaq. Taamaattumik suliffeqarfiit taakku ukiut siulii aammalu akissarsiat suliaqarfiullu aningaasartuutai tunuliaqutaralugit missingersorneqarput. Takussutissaq 5.-imi takuneqarsinnaapput suliffeqarfiit ilanngunneqanngitsut, suliaqarfiit malillugit.

 

Takussutissaq 5. Kisitsisitigut paasissutissani amigaatit agguuaanneri, suliaqarfiit malillugit

	2016	2017	2018	2019	2020
	Amerlassusaat
A. Aalisarneq, aalisakkanik tunisassiorneq niuernerlu .......	-	1	1	2	1
B. Aatsitassiorneq ..................................	-	-	-	-	-
C. Atortussiorneq ..................................	-	-	2	1	-
F. Sanaartorneq ...................................	-	-	1	-	-
G. Niuertunik pilersuineq atugassanillu nioqquteqarneq; Qamutinik iluarsartuussinerit ................................	-	-	-	1	-
H. Assartuineq assartugassalerinerlu ....................	-	-	-	-	-
I. Akunnittarfiit neriniartarfiillu ..........................	-	-	1	-	-
J. Paasissutissalerineq attaveqaatilerinerlu ...............	-	-	1	-	-
K. Aningaaseriviit, aningaasaliisarfiit sillimmasiisarfiillu .......	-	-	1	-	-
L. Inissianik attartortitsinerit sullissinerillu allat	-	-	-	-	-
M. Namminersortunit, ilisimatusarnikkut teknikkikkullu suliaqartunit kiffartuussinerit	-	-	-	-	-
N. Allaffissornikkut kiffartuussinerit	-	-	-	-	-
Suliaqarfiit allat ....................................	-	-	3	-	-
Ukiumut ataatsimut tamakkerlugit. ......................	-	1	10	4	2

 

Suliffeqarfinnut naatsorsuutini suliffeqarfiit amerlassusaat ukiunut agguaal­lugit ukiumilu ataatsimi amerleriarneri ikileriarnerilu takussutissaq 6.-imi aammalu 7.-imi takuneqarsinnaapput.

 

Takussutissaq 6. Suliffeqarfiit amerlassusaat

	2016	2017	2018	2019	2020
	Amerlassusaat
A. Aalisarneq, aalisakkanik tunisassiorneq niuernerlu ......	76	82	82	83	83
B. Aatsitassiorneq ................................	25	27	42	36	32
C. Atortussiorneq .................................	24	23	23	28	32
F. Sanaartorneq .................................	112	117	118	128	134
G. Niuertunik pilersuineq atugassanillu nioqquteqarneq; Qamutinik iluarsartuussinerit .........................	113	109	113	120	122
H. Assartuineq assartugassalerinerlu ..................	31	32	35	40	44
I. Akunnittarfiit neriniartarfiillu ........................	32	33	35	34	39
J. Paasissutissalerineq attaveqaatilerinerlu .............	23	27	29	26	29
K. Aningaaseriviit, aningaasaliisarfiit sillimmasiisarfiillu ......	23	23	25	32	31
L.  Inissianik attartortitsinerit sullissinerillu allat ...........	122	121	118	131	151
M. Namminersortunit, ilisimatusarnikkut teknikkikkullu suliaqartunit kiffartuussinerit ...............................	53	52	59	62	66
N. Allaffissornikkut kiffartuussinerit ....................	37	39	42	51	55
Suliaqarfiit allat  ..................................	17	21	23	29	34
Tamakkerlugit, suliffeqarfiit amerlassusaat   .............	688	706	744	800	852
Suliffeqarfiit annertussusaat   ........................	689	707	754	804	854
Misissukkat procentinngorlugit    ......................	99,9	99,9	98,7	99,5	99,8

 

Takussutissaq 7.-imi takutinneqarput ukiumi pineqartumi suliaqarfinni ataa­siakkaani suliffeqarfiit amerlassusaat ukiumut kingulianut sanilliullugit. Sulia­qarfinni allani suliffeqarfiit amerlassusaat suliaqarfinni pingaarnerni qulingiluaasuni inissisimanngitsut takutinneqarput. Suliffeqarfiit uninngasut imaluunniit sulianik ingerlataqanngitsut aamma tassunga immikkoortinne­qarput.

 

Takussutissaq 7. Suliffeqarfiit amerleriarneri ikileriarnerilu, ilanngunneqanngitsut ilanngaatigereerlugit

	2016	2017	2018	2019	2020
	Amerlassusaat
A. Aalisarneq, aalisakkanik tunisassiorneq niuernerlu ......	3	6	0	1	0
B. Aatsitassiorneq ................................	-2	2	15	-6	-4
C. Atortussiorneq .................................	2	-1	0	5	4
F. Sanaartorneq .................................	-7	5	1	10	6
G. Niuertunik pilersuineq atugassanillu nioqquteqarneq; Qamutinik iluarsartuussinerit .........................	0	-4	4	7	2
H. Assartuineq assartugassalerinerlu ..................	-1	1	3	5	4
I. Akunnittarfiit neriniartarfiillu ........................	0	1	2	-1	5
J. Paasissutissalerineq attaveqaatilerinerlu .............	1	4	2	-3	3
K. Aningaaseriviit, aningaasaliisarfiit sillimmasiisarfiillu ......	-2	0	2	7	-1
L. Inissianik attartortitsinerit sullissinerillu allat ............	2	-1	-3	13	20
M. Namminersortunit, ilisimatusarnikkut teknikkikkullu suliaqartunit kiffartuussinerit ...............................	-2	-1	7	3	4
N. Allaffissornikkut kiffartuussinerit ....................	-3	2	3	9	4
Suliaqarfiit allat  ..................................	-2	4	2	6	5
Amerleriarneri ikileriarnerilu   .........................	-11	18	38	56	52

 

Periaaseq

Piareersaanermi anguniagaavoq Misissueqqissaarnissamut periarfissanut immikkoortumi aningaasartuutinut allattorsimasunut assingusunik naatsorsuinermi kisitsisinik pilersitsinissaq.

 

Piareersarneq killiffilersukkamik ingerlanneqarpoq:

1.    Suliffeqarfiit ataasiakkaat paasissutissaat suliaqarfiit CVR-normullu ataani aningaasartuutinut assigiinngitsunut agguaanneqarput.

2.    Paasissutissat databasemut nuunneqarput.

3.    Paasissutissat aaneqarput suliaqarfinnullu pingaarnernut katiterneqarlutik.

 

Suliffeqarfinni naatsorsuutinik saqqummersitsinermi siunertaavoq inuussutis­sarsiorfinni assigiinngitsuni soorlu piginneqatigiiffinni, aktianik piginneqati­giiffinni, aallarnisaasutut ingerlatseqatigiiffiit aammalu tunisisartut pisisartulluunniit peqatigiillutik piginneqatigiiffiini aningaasaqarnikkut ineriartorneq ataatsimut saqqummiunnissaat. Suliffeqarfiit allat asser­suutigalugu inummik ataatsimik piginnittullit, suliffeqarfiit ataatsimit amerlanerusunit piginnittullit, aningaasaateqarfiit, peqatigiiffiit, pisortat suliffeqarfiutaat il.il. ilanngunneqanngillat. Suliffeqarfinni naatsorsuutini anguniagaavoq inuussutissarsiornerup sapinngisamik pitsaanerpaamik misissorneqarnissaa taamaattumik ungasinnerusoq eqqarsaatigalugu nalunaarsuutit tunngaviusut pitsanngorsarnissaannut sulisoqarpoq, taa­maasilluni suliffeqarfiit allat naatsorsuutini ilanngunneqarsinnaalissammata. 2019-imiit aallarnisaasutut ingerlatseqatigiiffiit ilanngunneqarput.

 

Saqqummersitami suliaqarfiit pingaarnerit aqqaneq marluk Dansk Branchenomenklatur-imi A-miit N-imut inissisimasut misissorneqarput. Suliaqarfiit pingaarnerit D. El-, gas- og fjernvarmeforsyning, E. Vandforsyning; kloakvæsen, affaldshåndtering og rensning af jord og grundvand, O. Offentlig forvaltning og forsvar; socialsikring, P. Undervisning, Q. Sundhedsvæsen og sociale foranstaltninger, R. Kultur, forlystelser og sport, S. Andre serviceydelser, T. Private husholdninger med ansat medhjælp; husholdningers produktion af varer og tjenesteydelser til eget brug, i.a.n., U. Ekstraterritoriale organisationer og organer aammalu X. Uoplyst malunnaarsaarneq peqqutigalugu ilanngunne­qanngillat.

 

2020-mi suliffeqarfinni naatsorsuutinut immikkoortumi pingaarnertut iner­nerit saqqummiunneqarput Misissueqqissaarnissamullu periarfissat immik­koortuani kisitsisit kisitsisinut pingaarnernut misissueqqissaarnernullu kisitsinermi qanoq atorneqarsinnaanerinik assersuuteqartoqarpoq.

 

Nalunaarsuutinut tunngaviusunut atornissaannullu piareersarnermut immik­koortumi nalunaarsuutit taakkulu piareersarneri allaaserineqarput kingor­natigullu Taaguutit Nassuiaatillu taaguutinut nassuiaatinullu immikkoortumi tulleriaarneqarput. Suliaqarfiit immikkoortiterneri suliaqarfiit immikkoorti­ternerinut immikkoortumi takuneqarsinnaapput.

 

Pisassarisat tunisassiornerlu kattunnermi pisiarineqarnermiluunniit suliaqar­fimmut allamut nuunneqarsinnaapput tunisassiornerlu ingerlatseqatigiinnit suliaqarfimmi pingaarnermi allamiittunit ingerlatseqatigiinnit taarserneqar­sinnaalluni.